واحد من الناس

باااااااائع الاعلام

هو ممكن ميكونش اهلاوي ولا زملكاوي لكن هو يحمل الاعلام اعلام الاهلي والزمالك واعلام مصر

كمان معاه صفاره لزوم التهليل شويه بيب بيب اهلي وشويه

بيب بيب زمالك وده طبعا لما

بتزيد المنافسه بينه وبين زميله الا واقف قصاده في الاشاره التانيه

هو ممكن يكون مش مهتم بالكوره من اصله بس نفسه طبعا ان المنتخب يوصل للنهائي علشان

يبيع اكتر واكتر و يا سلام لما المنتخب يوصل للنهائي الاشيه حتبقي معدن لايام جايه

بيبيع كمان قبعه سانتا كلوز وطبعا ميعرفش ان اسمها كده بيعرف انها طاقيه او طرطور بينور

بيلبسه وبيحبه الاطفال والكبار كمان


وفنله ابو تركيه لانه لاعيب كبير طبعا ده غير انه طالع لابوه ودي اضافه له وكله الناس بيحبوه
ودي اضافه تالته وبالمناسبه دي ببارك للاهلي علي السوبر الافريقي ودي روح كل الزملكويه

الحلوه ديما وربنا يرجعلنا الزمالك بالسلامه ان شاااااااااااااء الله وما علينا

خلينا في الراجل الا بيبع الاعلام هو طبعا زي كل الناس حزين وبيتألم علي اهل غزه الا بيشوفهم في
تليفزيون القهوه بس هو مبسوط من حاجه تانيه انه بيبيع كوفيات فلسطينيه كتير وباع كتير اوي
في الفتره الاخيره وربنا يهون علينا وعليهم

مش شاغل باله بالازمه الاقتصاديه العالميه ولا شاغل باله بباراك اوباما ولا حديد عز ولا حتي
بركبه ابو تريكه ولا يعرف ان حلوان و 6 اكتوبر بقوا محافظات وان مشروع توشكي فشل والحمد
لله ولا عاوز يعرف من اصله

كل الاحداث دي خارج نطاق العالم بتاعه الا مش بيتجاوز بيته الا بحجره واحده وربنا يوسعها عليه
ان شاء الله ويبقوا حجرتين وطبعا امه وعياله واولاده وصحابه علي القهوه هم دول كل حياته

عايش و الحمد لله مش بيهمه كتير من المشكلات غير طبعا مشكله الاكل الا بيغلي كل يوم و طابور
العيش و انبوبه البوتاجاز رغم انه معندوش بتوجاز من اصله وان شاء الله ربنا يكرمه ويجيبه
قريب

ياله كفايه كده مع واحد تاني من الناس

مشكور على الموضوع